Am beth mae’r caneuon? What are the songs about?

AMSER – Mae’r gân yma yn sôn am yr hyn ddigwyddodd pan yn sâl. Collais andros o lot o bwysau a teimlo fy ‘mod yn diflannu a colli gafael ar realiti – y geiriau “ti’n ngweld i? Ti’n nghlywed i?” yn y gytgan yn adlais o hyn. Neges y gân hefyd ydi bod ” amser yn pasio heibio ” ac ein bod oll yn anghofio yn ein bywydau prysur. ‘Dio ddim yn gân drist – dweud stori y digwyddiadau a atgoffa ni gyd bod hi’n bwysig gwneud y mwyaf o heddiw.

CÂN LLYN TEGID – Cefais fy magu yn y Bala ac mae’r llyn wastad ‘di bod yn rhan o fy mywyd – ac ar ôl cryfhau a gallu cerdded eto y lle cyntaf oeddwn i eisiau mynd iddo oedd y llyn wrth gwrs. Mae geiriau y gân yn syml ond dwi’n gobeithio yn creu darlun ohoni ac mae’r gerddoriaeth gyda thelyn a ffidl yn creu awyrgylch y lleoliad arbennig yma, “O hyfryd le, dywed i mi o le cefaist ti’r hyd i dawelu fy myd?”

DISGLEIRIA – Cân yn sôn am sut ddylai pawb gael cyfle i ‘ddisgleirio’ yw hon – “dywedodd i beidio a chuddio, bod dy hun ydi’r nôd “. Mae sain breuddwydiol i’r gân ac mae’n nodi fy môd yn teimlo yn ddiolchgar ac yn lwcus o fod yn cyfansoddi a pherfformio unwaith eto – cyfnod breuddwydiol ei naws i mi.

Be mae Rhi Jorj ‘di bod yn ei wneud? What has Rhi Jorj been doing?

Mae Rhi Jorj wrthi ar hyn o bryd yn recordio ei albwm ‘Ysgafn’. Mae’r caneuon i gyd wedi eu cyfansoddi ac mae Billy Thompson wrthi yn eu recordio a’u cynhyrchu.

Mae hefyd yn paratoi at y gigs i ddod ac yn edrych ymlaen yn fawr at lansiad yr EP yn y Stori yn Bala ar y 29 fed o Fawrth.

When will the EP be released and on what platforms?

Fydd o ar Bandcamp 21.02.2025 ymlaen. Pob un digidol ar 28.02.2025 ymlaen.